Interessert i å sponse Ronja Arena?
Finn ut korleis få marknadsført ditt firma på den nye hallen.
No startar eventyret Ronja Arena – opningshelg 11.-13.september
Fredag 11.september inviterer Sandsøy IL inn alle skuleelevar frå Brandal til Stadt til å få prøve seg i hallen.
I tillegg inviterer vi barnehagane i Sande.
Vi spanderer skyss frå Voksa til Oshaugane, i tillegg til pølser og frukt.
Laurdag 12.september vert det ofisiell opning – detaljar om program kjem etter kvart.
Set av helga no og ver med oss og feire!
Saman skapar vi arenaen
Ronja Arena er snart klar for å takast i bruk. Det har vorte ein praktbygg med alle muligheter. Ei fantastisk gåve til Sandsøya og alle bygdene rundt oss. No er det opp til oss i Idrettslaget å fylle denne hallen med aktivitet, engasjement og gode opplevingar.
Her er ein stor klatreveggi med Sunmøres finaste utsikt, ein flott bildreveggi der dei yngste kan bottre seg med klatring. Her er ei fin padelbane der alle kan få testa ferdighet og interesse. Ein stor gymsal gjev rom for alle typar ballspel, hinderløype og andre aktivitetar. Vi bygg og eit gamingrom slik at hallen vert eit felleskskap for alle typar sportsleg aktivitet. Målet er at alle skal kunne ha dette som møteplass.
For å få til dette vil vi invitere deg til å vere med å gje eit bidrag til utstyr til hallen.
Alle som bidrag vil få namn og sum på ei sponsortavla dersom dei ønskjer det.
Du kan gje di støtte på følgjande måtar:
Bankkonto: 3906.30.25163
Vipps: 103616 Sandsøy Idrettslag, utstyr fleirbrukshall
Merk med namn du vil skal stå på sponsortavla
Faktura: Ta kontakt på e-post: post@sandsoyil.no
Med venleg helsing Sandsøy Idrettslag
Vinterleg jubileumsutgåve
Det vart vinter og vår i fin forening då om lag 440 deltakarar var med på den 20. utgåva av Sjutoppsturen. Snøfall og låge temperaturar dagane før arrangementet gjorde at langfredag 2026 vart ei delvis snødekt affære. For mange er turen ein sterk tradisjon som nesten intet vêr eller føre kan stoppe. I konkurranseklassa vart det to vinnarar som gjentok sine tidlegare bedrifter i tillegg til å setje nye personlege rekordtider.
Sjutoppsturen for 20. gang
Denne påska går Sjutoppsturen av stabelen for 20. gang - og som alltid på langfredag. I 2026 er datoen dermed 3. april. Start- og målområde er ved Rosenlund Hamn på Sandshamna. Det vert også matservering på forsamlingshuset Fiskarheimen, som er like ved. Ekstraferje er sett opp slik at det er avgangar om lag kvar time denne dagen.
Påmelding skjer via EQ Timing på Internett. Mosjonsdeltakarar kan gjennomføre turen i tidsromet kl. 08-18. Konkurranseklassa har fellesstart kl. 13. Det vert busstransport i samband med ferge til og frå Voksa. Våren har kome tidleg til Sandsøya i år, så løypa er snøfri og ventar berre på nettopp deg til å oppleve dei 15 magiske kilometerane like ved storhavet.
Årsmøte
Sandsøy Idrettslag inviterer medlemmer, tillitsvalde og andre interesserte til årsmøte torsdag 5. mars 2026 kl. 18.30 på Dollstun.
- Vanlege årsmøtesaker
- Info om prosjekt Ronja Arena
- Evt. innkomne saker
Saker må sendast til styreleiar Ragnar Kvamme (ragnar.kvamme@entec.no) seinast 26. februar.
Vel møtt!
Atter ein strålande langfredag
Det meste var som det brukar å vere utover ettermiddagstimane også denne langfredagen. Trass i ein litt kald vind var det stort sett varme smil å sjå på plassen utanfor Rosenlund Hamn Hotell på Sandshamna. Sjutoppsturen i 2025 legg seg fint inn i rekka med dei atten føregåande utgåvene, og vil bli hugsa for å innehalde alle dei vante ingrediensane: Hundrevis av blide og spreke folk, varierande vêr og føre, og ikkje minst: sola vinn til slutt.
