Ny heimesiger for J14

Sandsøy/Kvamsøy J14 klatra opp til andreplass på tabellen, med seks poeng etter fire haustkampar, etter å ha slått Hasundgot på Kvamsøy-graset onsdag ettermiddag. Sluttresultatet vart 9-3!

Haustserien er no halvspelt, og laget ligg no nest øvst på tabellen med fem lag. I første haustkampen vart det eit knepent 3-2-tap i Ørsta. Deretter vart Larsnes slått 4-1 heime i Oshaugane, før det vart nok eit surt tap forrige onsdag, då 4-3 mot Hødd i Ulsteinvik.

Onsdag om ei veke er det ny heimekamp, då på Sandsøya mot Ørsta. Jentene er truleg svært lystne på å revansjere tapet frå det motsette oppgjeret i forrige månad!

Legg att eit svar